Des is best!

View previous topic View next topic Go down

Des is best!

Post  Sirop14 on Thu Nov 20, 2014 7:07 am

Des is best!

20-November-2014
Deza avek son fizik enpresyonnan, santer veteran lokal Despilly William i ofer en prezans remarkab lo lasenn.

E ki nou pou dir letan in met son gran sapo, zile ek semiz klate ek son gran soulye bout pwent blan ki form son resanz ‘cowboy’? Avek son gitar rouz, son lavwa enpresyonan e son danse orizinal, Des i vreman ‘best’ e i reprezant sa ‘grand master’ dan lanmizik Seselwa, parey limenm i pa ezite pour dir.

« Rar ou pou war dimoun 70-an Sesel ki kapab sante e danse parey Des, » i menm provok bann ki pli zenn ki li.

Parey ‘Bouz bouz dan ou leren’ ki enn son sanson pli popiler, Des i vreman konn bouze. E i menm sante e danse ziska ler son sang i degrafe!
Sete sa lanbyans dan sant konferans enternasyonal (ICCS) Sanmdi swar. Si zeneralman ou ekspekte en kado pour ou lanniverser, Des li ti fer lenvers e ofer son bann ‘fans’ en kado inoubliab alokazyon son 70enm lanniverser e son 50-an dan lanmizik. Piblik pa ti ezite pour rann li sa kado avek en lasal ki ti’n ranpli avek en bann spektater zwaye e antouzyast.

http://www.nation.sc/article.html?id=243698

Sirop14

Posts : 6156
Join date : 2008-06-02

View user profile

Back to top Go down

View previous topic View next topic Back to top


 
Permissions in this forum:
You cannot reply to topics in this forum